rubik cube man

*i thought of doing something different today. so i figured of writing my next post in filipino and in a lighter manner.

sabi sa aking psychological test nung college, ako daw ay right brain hemisphere dominated (paumanhin hindi ko matandaan ang pagkakasunod ng mga salita), ibig sabihin mas nakikita ko daw ang mga maliliit na detalye ng paglubog ng araw sa kanluran habang nilalamon ito ng mga piraso ng animo'y nagbabagang basag na salamin. malimit rin daw sa mga taong ganito ay nailalapat ang kariktan ng mga katulad na tanawin sa isang dibuho o obra. in short, inclined daw ako sa arts.

sabi pa ng psych professor ko, kadalasan sa mga taong ganito, dahil aesthitically inclined sila nahihirapan sila sa mga bagay na logically at arithmatically complicated (kung saan, magaling naman ang left brain hemisphere dominated na tao. obviously, hindi ko pa rin alam ang pagkakasunod-sunod, kaya ginaya ko na lang yung nauna para consistent). kaya siguro dalawang beses ko'ng inulit ang college algebra.

pero hindi rin, ang dahilan ko, nakakayamot kasi si miss math teacher na ang kinakausap lang ay black board at libro. tapos magagalit kasi hindi daw kami nakikinig. sagot ko naman, sabi ng mama ko masama daw ang nag eeaves drop.

yun ang unang beses na pinatayo ako at pinalabas ng kwarto. buti na lang may natira pa akong yosi sa bulsa at napadaan si dette para may kakwentuhan ako. pagkatapos ng klase, tinanong ako ng professor kung nagsisisi na daw ako.

sabi ko, opo, nagsisisi na po ako, with matching teatro convictions. sa kabila nito, binigyan pa rin niya ako ng 4 at pinagremoval exams. nagkulang ako ng isang puntos para pumasa. alma ko, maraming factors ang pwedeng ikonsider kung bakit ako nagkulang ng puntos, pwedeng environmental, ambiance, time pressure at iba pa. subalit bato talaga ang puso ng professor ko'ng yun, hindi umubra ang dahilan ng isang soc an major sa kanya. pito lang ang pumasa, lima kaming matapang at magigiting na bumagsak, 21 ang nag drop sa klaseng iyon. sa sumunod na semestre, hindi na narenew ang professor dahil sa mababang survey score at turn out ng mga estudyante.

inulit ko siya sa sumunod na taon. boyfriend naman ng dati kong teacher and nagturo, patay! pay back time! ito lang nakita ko sa mukha ng teacher ng pumasok ito sa unang araw ng klase. pagkatapos ng semestre kahit wala pa rin naintindihan binigyan niya ako ng flat na dos. mataas na yun para sa nag-iinternal hemorrage na taong tulad kapag nakakakita ng numero.
sa hinaba ng kwento ko, side dish pa lang po yun! ang totoo, pumasok sa isip ko ang topic ito kanina pagpasok ko ng opisina. nagulat ako dahil lahat ng tao ay may kinakalikot, linalapirap, binubutingting at pinapaikot na isang makulay na bloke. ang totoo, noong una, hindi ko alam kung ano ang tawag dito. tinanong ko lang sa katabi ko ang tawag, rubik cube daw. hinanap ko pa sa internet kung papaano siya iispell. buti na lang tama ang naitayp ko, kung ano ang bigkas siya namang baybay.

sinubukan ko'ng paglaruan rin, ang goal lang naman daw ay mailagay mo ang magkakakulay na mga square sa iisang mukha. madali lang naman pala. napanuod ko sa tv 7 years old 17 seconds na kumpleto niya.

akala ko lang pala. narealize ko kaya nga siya nafeature sa tv kasi genius siya. bakit genius ba ako?

ayun 6 hours ko na siyang pinaglalaruan ngayon. at malapit na siya makalas. akala ko nanaman kasi kapag napagsamasama mo ang isang kulay, magsasama na rin ang ibang kulay. hindi pa pala, lalong nagulo ang mundo ko. tapos sabi pa ng office mate ko, buuin ko daw siya ng five months. sabi ko sa kanya, eh kung burahin kaya kita sa mundo. tumahimik siya at nagconcentrate naman ako. ilang saglit lang, gusto ko ng umiyak!

sabi ko pa, madali siya kasi may kulay tapos right brain hemisphere dominated pa ako. so naka na lang ito! shet,m mapagpanggap ang animal! logic pala kailangan nito. nagiging illohikal na ako. tumigil ako at humarap sa computer. pucha! gumagalaw na kulay pa rin ang nakikita ko, masama na ito. hindi ko siya matanggal sa isip ko kung papaano sila bubuuin. tinago ko na siya. ayoko na!

bumaba ako ng opisina, nagyosi. tapos may nakita akong nagtitinda ng rubik cube at ang dami dami nila. patong patong. sa tingin ko, isa-isa silang gumagalaw ng kusa. nasisiraan na ata ako ng bait!

boom!

outside this building part 2 na ito, the rubik cube man.