sa loob ng restaurant

*ang susunod na post ay sequel ng sa loob ng tren.

hindi matigil ang tawa ko ng ikwinento ito ng isang kaopisina kanina. kahapon, nang maghiwa-hiwalay kami pagkatapos ng trabaho ay naisipan nilang kumain sa labas. matatapang ang mga loob dahil kakasweldo lang. tinopak at naisipan pang mag fine dining.

pagdating nila sa restaurant, nakakakuha daw kaagad sila ng mauupuan. iniaayos ang mga sarili sa mesa at agad na umorder sa naghihintay na waiter. nang makaalis na ang waiter, napansin kaagad ni ryan ang isang grupo ng mga babaeng kumakain sa kaharap na mesa.

sofistikada ang mga ito at ubod ng mga ganda.

"madalang lang ang makakita ng mga flock of birds with the same feathers sa panahon ngayon," naisip ko.

subalit para kay ryan, nangingibabaw sa lahat ang ganda ni dalaga. matangkad, bilugan ang mga mata, at di mapagkakailang magandang pinaputok ng make up at maayos na bumagay ito sa kaniyang mga pisngi at labi. at sa pananamit at kilos pa lang daw ng mga ito, halata mo ng hindi basta-basta ang magkakasama. subalit dala na rin ng namumukol na wallet sa bulsa, hindi pinanghinaan ng loob ang ating bida. bagkus ay na-challenge pa.

hindi daw talaga na namnam ni ryan ang lasa ng inorder niya. habang ang iba nama'y nagulat sa laki ng bill na siningil sa kanila. pero naging sulit naman ang lahat para sa kanya.

sabi pa niya, "kung ganito lagi ang view sa lugar na ito tapos andun pa siya, wala na ako'ng pakialam kahit maghirap ako at kumain sa supot supot na mga tira-tira na tinatapon sa labas, makita lang siya."

nang magyaya na umuwi ang iba, doon niyang naisip na minsan lang mangyari ang love at first sight. kungkaya't hindi na niya ito palalagpasin.

kumuha ng natirang tissue, kumuha ng ballpen sa bag at nag sulat. pagkatapos ay nag-ipon ng lakas ng loob at nanginginig pa'ng inabot ang tissue sa napupusuan. nagulat ang mga kasama nito. lahat sila ay nagtawanan.

bumalik si ryan sa kinauupuan at lalong kinabahan. natulala at sa labis na pag-iisip hindi na daw niya napansin ang mga kantyaw ng mga kasama. nakapako lang ang tingin sa magiging reaksyon at gagawin ng dalaga.

ang nakasulat sa tissue: i like you. can i have your name and phone number?

humiram ng panulat ang dalaga sa isa sa mga kasama at sinulatan. pagkatapos ay tumayo at binalik ang munting papel kay ryan.

ang sinulat sa tissue: bibigay ko lang yun kung mayaman ka, meron ka'ng kotse, bahay at 7 inches na tite.

nagbago ang reaksyon ni ryan. sa isang bigla nawala ang lahat ng impresyon at naramdaman niya para sa dalaga. kinuha muli ang bolpen sa bag at sinulatan ang tissue. pagkatapos ay tumayo ng wala ng pag aalinlangan sa dibdib. saka inabot muli ang kanina pa pinagpasa pasahan.

binasa muli ng dalaga ang nakasulat at biglang napahagikgik. liningon si ryan. subalit wala na ang mga ito sa kanilang mesa at umalis. duon siya humalakhak ng malakas at inabot sa mga kasama ang papel at sabay sabay rin silang nagsitawanan.

ang sinulat: hindi ako mayaman, wala din ako'ng kotse at bahay. at hinding hindi ko rin ipapaputol ang titi ko para sa iyo.

napatawa ako ng malakas. isa na marahil ito sa mga pinakamalupit na kwento ng hook ups na narinig ko.
pagkatapos ng halos walang tigil na tawanan, naisip ko, wala nga talagang tinatawag na love at first sight. at minsan hindi din dapat tayo maniwala sa nakikita at natatali sa ating mga impresyon sa iba. lalo na sa mga ganitong tagpo.

may kaibhan ang naunang post sa tagpong ito. dito, mukhang naglagay ang dalaga ng check mark sa i agree to the terms and conditions ng mga ganitong set up. at kung nagkataon nag fit in din si ryan sa mga qualifications na hiningi ng dalaga, may naloko na naman siguro ang globe, smart etc. sa kanilang unlimited text promo.
sadya nga'ng isang risk ang pangahasin gawin ang mga ganitong bagay. minsan, nauuwi ito sa inaasahan. subalit mas madalas ay hindi. siguro nga umiikot ang lahat, depende sa diskarteng gagawin: kung papaano lalapitan, paano makikipagkilala at higit sa lahat kung ano ang plan b kung lumihis ito sa plano. tingin ko, kung hindi umalis kaagad si ryan, ibinigay na rin siguro ng dalaga ang kanyang pangalan at number. kahit hindi ito tunay. ang mahalaga ay nagawa niyang basagin ang pader na una nitong tinayo.

ang interesante lang din isipin, kung paano nagbabago at lumalawak ang mga posibilidad upang makakakilala ng isang potensyal love. mula sa kapit bahay set-up, matchmaking ng mga magulang, kantyaw ng mga common friends, blind dating, cyber chat, at ngayon ay mga ganitong hook ups: mapa-bar, tren at halos kungsaan saan. pero nakakapagtaka lang na bakit madami pa din ang hindi nakakakita sa kanilang mga mr./ms right?

tapos naisip ko (ako din pala ang sasagot sa sarili ko'ng tanong- lakas tama), siguro dahil na rin sa dami ng mga options na nakapila, mas madalas ay nahuli pa ng gising si mr/miss right at napupunta sa dulo ng pila. tuloy madami ang nag eexperiment, nabibigo at hindi na nakakapaghintay.