nangungusap ang labi ko sa init ng iyong sigarilyo
nais ko muling malanghap ang hininga ng iyong apalaap
na kikiliti sa kalamigan ng aking tadyang,na babali sa litid ng aking singit
at hahagod sa nanunuyong lalamunan
at sa bawat sandali,tikumin mo ang yungib
ng ating kapwa labing ito'y maging lagusan
ng iyong mainit na laway na huhupa sa uhaw
ng aking pawisang dibdibid
antay mo ng marahan ang iyong mga halik
siilin ng mahigpit ang yakap sa aking batok
nais ko'ng matikman ang pait ng iyong dila
upang mabatid ang kaibhan sa alat nito sa aking luha
Nawa'y hayaan umagos ng ninuman ang dugong dumantay
sa marka ng ginawa mo'ng latay
sa aking likod, sa aking puwit
at sa mga bahaging hindi mawari ng nararamdamang sakit
at sa sandaling maubos na muli ang upos
na sinandal mo sa piniping tingga
hayaan mo'ng ako ang huling humithit
sa natitirang usok, kasabay nang pangakong
paglasap hanggang sa dulo ng pagkaubos,
hanggang mapaso ang labi
hanggang tumulo ang luha
hanggang hanapin kitang muli
hanggang sa huling sandaling ika'y mawala
No comments:
Post a Comment